Paroisses
 

Daf

D’Dafe kënnen am Parsekretariat ugemellt ginn. Da kritt Dir déi néideg Dokumentatioun heemgeschéckt.

D’Virbereedung vun den Daffeiere geschitt zesumme mat allen intresséierten Elteren. Dofir ass an der Reegel all éischten Dënsdeg am Mount no der Owesmass zu Biissen eng Preparatiounsversammlung zu Biissen am Parsall. Membere vun der Pastoralequipe erklären d’Wichtegkeet vum Sakrament vun der Daf a preparéieren mat Iech d’Daffeier.

Et ass och eréischt an dëser Versammlung, wou den Datum vun der Daffeier mat de Geeschtleche festgeluecht gëtt. Fir d’Preparatiounsversammlung soll ee sech am viraus telefonesch am Parsekretariatumëllen.Déi nächst Dafverbereedunge stinn am Parbréif.

Während enger flotter Feier gëtt Äert Kand dann an d’Gemeinschaft vun der Kierch opgeholl a gëtt esou zum Kand vun eiser Härgott.

Wichteg: No den Normen vun der kathoulescher Kierch muss eng Persoun, fir Pätter oder Giedel ze sinn, op mannst 16 Joer hunn, kathoulesch sinn an déi dräi Initiatiounssakramenter (Daf, Kommunioun, Firmung) empfaangen hunn. Dofir solle Pätter a Giedel ee Firmschäin bäi der Umeldung matbréngen (de Firmschäin kritt een an der Par vum deemolege Wunnsëtz).

 
Service Kommunikatioun a Press - Äerzbistum Lëtzebuerg - Dateschutz - Impressum - © Verschidde Rechter reservéiert