Liens . Links
 

Pastoralrot - Conseil pastoral

De Pastoralrot vun der Par Atertdall Sainte-Claire (ab Juni 2021)

An deene lëschten Wochen hate mer an der Par en Opruff gemaach, fir eise Pastoralrot nei ze konstituéieren esou dat all Gemeng dra vertrueden kënnt sinn. Dësen Opruff hat groussen Erfolleg, an ech soen alle Memberen vun Pastoralrot an Iech all e grousse Merci, datt Dir d’Uleies vum neie Paschtouer eescht geholl hutt, an dat mer elo am Pastoralrot all d’Gemengen an de Gros vun eisen Dierfer vertruede hunn. Zum neie Pastoralrot gehéieren d’Memberen vum alen, deen wéinst Corona nach fir e Joer verlängert ginn ass, an dann och déi nei Persounen, déi sech gemellt hunn fir matzemaachen.
De neie Pastoralrot huet sech zweemol getraff. Déi éischt Versammlung war fir déi nei Memberen opzehuelen an d’Aarbecht vum Pastoralrot virzestellen. D’Aufgaben, esou wéi se d’Statute virgesinn, fannt Dir hei uschléissend. An der zweeter Versammlung hu mer en Austausch gemaach an wëll de Pastoralrot keng Persoun hat, déi him virstong, hu mer esou eng Persoun gewielt.
Am Konsens ass Mme Betty Heimermann-Wio als Präsidentin gewielt ginn. Ech soen hier en häerzleche Merci, datt si deen Déngscht un der Par ugeholl huet. Mme Christine Lallemand bleift Sekretärin, an och hier villmools Merci fir hier gutt a kompetent Aarbecht. De Merci geet dann och un all d’Memberen. Ech hu gemierkt, datt si gewëllt sinn matzeschaffen an och scho ganz gutt Proposen gemaach hunn. Esou ass eng Semaine Sainte-Claire fir Ufangs Oktober geplangt, wou mer eng ganz Woch laang Aktivitéiten an der Par un, och fir dat neit Aarbechtsjoer unzefänken. De genaue Programm stellt de Pastoralrot elo op a gëtt eis spéider matgedeelt.

Nous avons constitué un nouveau Conseil pastoral de la Paroisse Atertdall Sainte-Claire. Mme Betty Heimermann-Wio en est la présidente : Mme Christine Lallemand reste la secrétaire. Je les remercie pour leur engagement ainsi que toutes les personnes qui ont bien voulu faire partie du Conseil Pastoral. Toutes les communes de la paroisse sont désormais représentées dans le conseil dont vous trouvez ci-joint la liste des membres.

Präsidentin vum Pastoralrot: Mme Betty Heimermann-Wio

Sekretärin vum Pastoralrot: Mme Christine Lallemand

Vertrieder vum Pastoralteam am Pastoralrot:
Mme Joke de Kroon, Titularkatechetin
P. Mathieu Janssen M.O., curé
P. Jean-Jacques Flammang SCJ, curé-modérateur

Memberen vum Pastoralrot de Gemengen no:

Beckerich:
Fons Wagner
Françoise Origer
Ell:
Raymond Jans (Ell)
Marie Claire Rasqué (Colpach-Haut)
Grosbous:
Medard Neises (Grosbous)
Préizerdaul:
Francine Reiser (Bettborn)
Redange:
Betty Heimermann (Niederpallen)
Norbert Nilles (Ospern)
Christine Lallemand (Redange)
Josiane an Théophile Linden-Wirth (Reichlange)
Useldange:
Carlo Philippe (Everlange)
Lou Anzia-Ney (Useldange)
Vichten:
Maggy Leider
Wahl:
Olga Zampicinini-Huet (Buschrodt)

De Curé-modérateur seet allen Memberen e ganz opriichtegen Merci fir hiert Engagement am Pastoralrot a wënscht eng gutt Zesummenaarbecht am Déngscht vun alle Leit aus der Par.

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement