Kommioun 2020 / Communion 2020

Jesus kënnt a mäin Häerz wunnen / Jésus vient vivre dans mon coeur


D’Kommioun 2020 wäert de Kanner, hiren Elteren an eiser ganzer Par sécherlech an Erënnerung bleiwen. Näischt war an ass wéi gewinnt, alles ass aneschters.
E Plang, dee bis elo nach net bestanen huet – mir kënnen also mol net vum Plang B schwätzen – huet missten op d’Bee gestallt ginn.

Fir dass mir eng Chance behalen, d’Kommioun mat eise Kanner - déi sech elo 3 Joer laang virbereed hunn e Frënd vu Jesus ze ginn, Jesus am Brout ze empfänken - iwwerhaapt kënnen ze feieren, hu mir geplangt:
- 5 Familljemassen mat 1ter Kommioun (just fir eis Kommiounskanner mat hirer Famill) am Oktober an November
- Maximum 25 Famille pro Mass
- All Kand däerf vu 5 Familljemembere begleed ginn
- D’Mass fir d’Pargemeinschaft wäert déi 5 Sonndeger Moies um 9h15 sinn

Mir hoffen, dass dat dee richtege Wee ass, fir dass eis Kanner hiren Dag, hir 1te Kommioun däerfe feieren, an dat trotz Covid-19.


Geplangten Sonndeger fir d’Feier vun der Éischter Kommioun 2020
Dimanches prévus pour la fête de la Première Communion 2020
Virbereedung - Préparation
Kommunioun - Communion
Freideg

vendredi

02.10.2020 17h30 - 19h00 Sonndeg

dimanche

04.10.2020
Freideg

vendredi

09.10.2020 17h30 - 19h00 Sonndeg

dimanche

11.10.2020
Samschdeg

samedi

17.10.2020 09h30 - 11h00 Sonndeg

dimanche

18.10.2020
Freideg

vendredi

23.10.2020 17h30 - 19h00 Sonndeg

dimanche

25.10.2020
Samschdeg

samedi

07.11.2020 09h30 - 11h00 Sonndeg

dimanche

08.11.2020

Léif Kommiounskanner vum Parcours „Kommioun 2020“,
Léif Elteren,

Mir hunn aus dem Bistum „gréng Luucht“ kritt, fir däerfe Familljemassen mat 1te Kommioun ze feieren.


Trotz dëser flotter Noriicht ass et wichteg, dass mir eis alleguer bewosst sinn, dass mir eis nach ëmmer enger Pandemie-Zäit befannen, an dass de Virus net fort ass. Mir wäerten och am Oktober/November nach mam Covid-19 geplot sinn, dat ass méi ewéi sécher.

Mir kënnen haut mat Iech eng flott Familljemass plangen, a wann et dann esouwäit soll sinn, da musse mir villäicht alles ofsoen, well e Lockdown ugeuerdnet ginn ass oder well mir eis nees u méi streng Mesure mussen halen, déi eis et net erlaaben, eis an engem grousse Grupp an der Kierch ze treffen.
Dofir wëlle mir betounen, dass eise Planning op ganz wackelege Féiss steet, an dass och nach kuerzfristeg all eis Pläng iwwert e Koup geheit kënne ginn.
Leider ass dat eng Tatsaach, déi mir net beaflosse kënnen, a mir mussen dat ëmmer am Hannerkapp behalen.



Mir hunn eis iwwerluecht méi eng einfach, dofir awer net manner flott a besënnlech Variant ze wielen, fir d’Kommioun vun de Kanner ze feieren.
  • Mir hu 5 verschidde Sonndeger am Oktober an November 2020 reservéiert fir mat eise Kanner a mat Iech, léif Elteren, eng Familljemass ze feieren.
  • Pro Familljemass akzeptéiere mir maximum 25 Kanner mat 5 Membere vun der Famill.
  • D’Kanner komme Freides resp Samschdes virun däer Familljemass, an déi Dir ageschriwwe sidd, an d’Kierch fir eng kleng Virbereedung. Dës Virbereedung dauert vu 17h30 – 19h00 (Freides) resp vun 9h30 - 11h00 (Samschdes).
  • All Famill kritt hir 5 Entréestickete Freides resp Samschdes an der Virbereedung. Leider musse mir eis op déi 5 Tickete pro Sonndeg beschränken, well eis Plazen an der Kierch jo streng limitéiert sinn.
  • Wa sech un de Mesuren näischt ännert, da muss jiddfereen eng Mask unhunn fir an d’Kierch eranzegoen. Wann Dir op Äerer Plaz sëtzt, da kënnt Dir d’Mask ausdoen. Jiddferee muss sech och d’Hänn désinfizéieren, wann en an d’Kierch erakënnt. Mir mussen allerdéngs kucken, wat eis déi aktuell Bestëmmungen am Oktober/November virschreiwen wat d’Hygiènesmesuren ubelaangen. Jidderee muss, während der ganzer Mass, op sénger Plaz sëtze bleiwen. Wee kommunizéiere wëllt goen dee muss an deem Moment séng Mask nees undoen.
  • Leider kënne mir och keng Prëssëssioun/Cortège an d’Kierch eran organiséieren. Dofir treffe mir eis alleguer direkt an der Kierch. Natierlech respektéiere mir d’Distanzreegelen fir an d’Kierch eran ze goen.
  • Wat d’Ausdeele vun der Kommioun betrëfft, sou hale mir, déi Responsabel vun der Par, eis natierlech un all déi streng Hygiènesreegelen: Hänn wäschen, Hänn désinfizéieren, Mask undoen, d’Hostie sinn an engem Kielech mat Deckel drop, etc. Mir verspriechen Iech, dass mir all eist Bescht maachen, fir dass de Virus hei keng Chance huet, a fir dass keen ugestach gëtt.
    Wann nach eppes net kloer ass, wann nach Problemer oder Froe sinn, dann zéckt net Iech direkt ze mellen (um Telefon um 621 707 350 oder mail)
    Mir hoffen, dass mir un eisem Planning kënne festhalen, an dass mir am Oktober/November eng flott Familljemass zesumme mat Iech an Äerem Kommiounskand däerfe feieren.


Mat léiwe Gréiss,
Edmond Ries & Christiane Engel


. . . .


chers enfants du parcours «Communion 2020», chers parents,

les responsables de l’Archevêché nous ont donné la permission de fêter des messes pour les familles dans le cadre de la 1ière communion.



Malgré cette nouvelle encourageante, il ne faut pas oublier que nous vivons toujours dans une période caractérisée par une pandémie et que le virus est toujours actif. Au mois d’octobre et de novembre nous serons toujours confrontés à la présence du Covid 19; ceci est un fait indéniable.

Actuellement nous pouvons prévoir et planifier une messe sympathique pour les familles et il se peut, que le moment venu, nous soyons forcés de tout annuler suite à un futur Lockdown ordonné par notre gouvernement ou suite à des mesures plus sévères qui ne nous permettront pas de nous rassembler en tant que groupe plus nombreux dans notre église.
C’est pourquoi nous aimerions souligner que toute notre planification actuelle pourra être déclarée nulle et non avenue suivant l’évolution de la crise sanitaire.
Ceci est malheureusement un fait qui ne dépend pas de notre volonté et que nous devons garder en tout cas en arrière-tête.



Nous avons prévu de fêter la 1ière communion de nos enfants d’une manière plus simple et modeste mais pas moins sympathique ni moins méditative.
  • 5 dimanches en octobre et en novembre 2020 sont réservés pour fêter la 1ière communion de nos enfants, ensemble avec vous, leurs familles.
  • Pour chaque messe nous pouvons accepter un maximum de 25 enfants avec, pour chaque enfant, 5 membres de sa famille.
  • Chaque famille a droit à 5 billets d’entrée qui seront distribués lors de la répétition le vendredi soir resp. le samedi matin. Malheureusement nous devons nous limiter à 5 personnes par famille car les places à l’intérieur de l’église sont toujours limitées.
  • Si les mesures sanitaires actuelles sont toujours en vigueur au mois d’octobre resp. novembre, toute personne devra porter un masque et désinfecter ses mains en entrant à l’église. Une fois assis sur la place qui vous est réservée, vous pourrez enlever le masque. Il est évident que nous devrons respecter les mesures d’hygiène en vigueur au moment venu. Pendant toute la cérémonie chacun devra rester assis sur sa place et ne pourra en aucun cas se déplacer à travers l’église. Juste pour aller à la communion, vous pourrez quitter votre place à condition de remettre, à ce moment-là, votre masque.
  • Les restrictions en vigueur ne nous permettent pas d’organiser une procession / un cortège pour entrer à l’église; c’est pourquoi nous nous rassemblerons directement à l’intérieur de l’église tout en respectant les distances requises à ce moment.
  • En ce qui concerne la distribution de la communion, nous, c’est-à-dire les responsables de la paroisse, respecterons évidemment toutes les mesures d’hygiène: laver et désinfecter les mains, porter un masque, les hosties seront dans un récipient avec couvercle etc. Nous vous promettons de faire tout notre possible afin d’éviter toute contamination.
    Si vous avez encore des questions ou si quelque chose vous paraît pas clair, nous vous demandons de nous téléphoner sans hésiter au 621 707 350 ou de nous contacter par mail).

    Nous espérons pouvoir nous tenir à cette planification et pouvoir fêter une messe sympathique au mois d’octobre/novembre avec vos enfants et vous-mêmes.

avec nos meilleures salutations
Edmond Ries & Christiane Engel



Eis Kateches op facebook / Notre catéchèse sur facebook
https://www.facebook.com/Par-Diddeleng-Catéchèse-1855796194698388



Save the Date !



!!! 3. Obligatoesch Kateches fir Kommioun 2020 !!!
an der Parkierch
Thema: Meng Éischt Kommioun
Bis op weideres verluecht!
. . .
!!! 3e Catéchèse Obligatoire pour la Communion 2020 !!!
en l’église paroissiale
Thème : Ma Première Communion
 Reportée jusqu’à nouvel order!
PDF 272.7 kB, 27. August 2019
Fiche d’Inscription à la catéchèse en paroisse

Klickt weg fir e PDF.
Pière de cliquer pour un PDF.

PDF 184.2 kB, 11. Juli 2019
Agenda - Kommioun 2020 Communion - Agenda
 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement