Fürbitten

Wirtgen Christiane

© Walter Nett (pfarrbriefservice.de)

Fürbitten fir de 29. Sonnden am Joreskrees C

Härgott, däi Jong encouragéiéiert eis, dech unzeruffen. Haut um Weltmissiounssonndeg biede mer an den Uleies vun der Kierch op der ganzer Welt:

 Fir all déi Fraen, Männer a Kanner déi däi Ruff an hirem Liewen héieren an sech vun dir schécke loossen fir an eiser Gesellschaft Zeien vu denger Barmhäerzegkeet ze sinn. Stäerk du hire Glawen an erfëll si mat denger Léift.
Härgott, héier eis

 Fir eis an d’Chrëschten op der ganzer Welt, déi mir zesummen de Weltmissiounsdag feieren: Datt mir denger Missioun trei bleiwen an deng Frou Botschaft a Wuert an Dot an d’Welt droen.
Härgott, héier eis

 Fir all déi, déi sech uechtert d’Welt an den Dingscht vun deenen Aarmen, deene Kranken an deene Marginaliséierte stellen, ënnerstëtz si bei hirem Wierken mat denger Kraaft.
Härgott, héier eis

 Fir eis Gemeinschaften an eis Familljen, datt si Plazen sinn, wou de barmhäerzegen Ëmgang matenaner geléiert gëtt a jiddereen sech ugeholl spiert.
Härgott, héier eis

 Fir all eis Verstuerwen an déi, déi d’Missiounen duerch hirt Gebiet an duerch hir Donen ënnerstëtzt hunn. Looss si no hirem irdësche Liewenswee den éiwegen Fridden bei dir fannen.
Härgott, héier eis

Härgott, op deng Trei däerfe mir zielen. All deenen, déi un Dech gleewen, schenks du Kraaft, Fridden an Hoffnung. Erhéier eist Gebiet, dat froen mer dech duerch Jesus Christus, eise Brudder an eisen Här.
Amen.


D’Fürbitten als PDF-Download: texte au format PDF

29.Sonndeg am Jkr C

all Fürbittentexter amArchiv / touts les textes à l’archive

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement