De Livestream ass eng ganz komplex Installatioun an et gi vill méiglech Feelerquellen.
Fir datt de Stream bei Iech ouni Problem fonktionéiert, gëllen dës Konditiounen
- Äre Betriebssystem vum Computer/Laptop/Smartphone/Tablet/SmartTV soll wa méiglech um neiste Stand sinn.
- Och Ären Internetbrowser soll eng rezent Versioun hunn.
- Dir braucht eng Breedband-Internetverbindung (DSL, Fiber, 3G/UMTS, 4G/LTE).
Folgend Problemer trieden op a sinn technesch op onser Säit ze léisen
- De Stream fonktionéiert, mee et ass keen Toun beim Bild (wärend dem Gottesdéngscht)-
- De Stream fonktionéiert, mee bei engem Kamerawiessel kënnt e schwaarzt Bild.
- De Stream fonktionéiert, mee eng Kamera kuckt an eng falsch Richtung.
- De Stream fonktionéiert, mee et sinn deelweils Stéierungen am Bild mat falsche Faarwen a véiereckege Flächen.
- D’Bild ass (mat Momenter) schwaarz, mee et ass Toun do.
- D’Bild ass schwaarz an et steet uewe lénks eng Feelermeldung “can’t establish connection”.
- D’Bild ass schwaarz an et steet an der Mëtt eng Feelermeldung “broadcasting not available”.
=> Mellt Iech beim SCP, dës Problemer kënne mir kuerzfristeg selwer léisen.
Folgend Problemer kënnt Dir evtl. selwer léisen
- De Stream huet Ënnerbriechunge resp. d’Bild ruckelt oder den Toun huet Aussetzer.
- D’Riedchen (Throbber) dréint ëmmer nees wärend den Ënnerbriechunge vum Stream.
=> Är Internetverbindung ass net stabil – evtl. hutt Dir Problemer mam WLAN oder mobilen Internet, vläicht geet et duer, wann Dir Iech op enger anerer Plaz ophaalt.
=> Evtl. äre Router oder Internetverbindung nei starten.
=> Als Alternativ kënnt dir probéieren, dese Fichier op ärem Computer mat engem Media Player ze starten.
Folgend Problemer kënne mir net direkt léisen, mee sinn ons bekannt
- D’Riedchen (Throbber) dréint, mee de Stream leeft dann eréischt mat Verspéidung.
- D’Riedchen (Throbber) dréint, mee et kënnt guer kee Stream.
=> Mellt de Problem beim SCP.
=> Als Alternativ kënnt dir probéieren, dese Fichier op ärem Computer mat engem Media Player ze starten.
Aner technesch Problemer
- De Knäppche mam Feil “Play” ass duerchgestrach, de Stream kann net gestart ginn-
- Do, wou de Videoplayer soll sinn ass d’Internetsäit einfach eidel/wäiss, mee de Stream ass virdrun ouni Problemer um selwechte Computer gaangen.
=> Probéiert d’Säit nach eemol nei ze lueden.
=> Dir musst ee Moment waarden, bis de Player gelueden ass (± 2 Minutten).
=> Bei eisem Partner läit en technesche Problem vir, mellt de Problem beim SCP a mir leeden äert Uleies weider. - Do, wou de Videoplayer soll sinn ass d’Internetsäit einfach eidel/wäiss, dat war nach ëmmer esou.
=> Dir erfëllt verschidde Konditiounen net fir de Stream ze kucken. Probéiert en anere System fir de Stream ze kucken.
Als Media Player recommandéiere mir:
M3U Playlist 106 Byte, 29. Abrëll 2020
