Massendéngeréierung - 26.11.2023

De 26. November 2023 an der Sonndegowesmass um Chrëschtkinneksfest zu Rued sinn d’Massendénger/innen aus der Gemeng Betzder fir hir reegelméisseg Presenz an hiren Asaz geéiert gi. Et sinn der aktuell 26 als Massendénger/innen ageschriwwen, an no der Mass si 14 vun hinne géiert ginn. D‘Sophie Ringler hat déi gréisste Presenz iwwert d’Joer gehat a krut dofir extra Merci gesot.
Iwwert den Déngscht an der Kierch eraus haten d’Massendénger/innen awer och nach e sëllegen aner Aktivitéiten: Do sinn dat traditionell Klibberen an d’Fleeg vum Massendéngeschgaard ze ernimmen. Des Aktivitéite ware jo duerch d’Visitt vum Kardinol Jean-Claude Hollerich den 13. September 2023 ënnerstrach ginn.
Duerch d’Presenz vum Deche Jean-Pierre Reiners mat e puer Grands-Clercs aus der Kathedral huet des Éierung nach u Prestige gewonnen, ëmsou méi, well 4 Massendénger de Paul, de Romain, de Rafael an d’Angelina och Membere vun de Grands-Clercs sinn.
Mir wënschen eiser Massendéngerequipe weiderhin esou eng grouss Solidaritéit an Engagement wéi si dat bis elo gewisen hunn.

Text: Jean Hoffmann
Fotoen: Jean-Paul Engeldinger