Bildchenswoch 2024

“Maria, stäerk eis Gemeinschaft!” – Bildchenswoch vum 11.8.-18.8.24 an enger neier Form

Mir soen dem Aktiounsgrupp aus der Par een häerzleche Merci, deen sech am Virfeld Gedanke gemaach hat, fir déi al Traditioun vun der Bildchenswoch méi zäitgemäss an uspriechend ze gestalten.
Hir Ideen, fir d’Woch mat enger meditativer Prëssioun a mat enger Fräiliichtmass am Bësch unzefänken, an der Woch mat der Statu vum Bildchen a verschidde Kierchen aus der Par ze goen an och d’Ofschlossprëssioun ze kierzen, si gutt bei ville Leit ukomm. Eng Rei Leit waren och dankbar, vun der Navette kënnen ze profitéieren. An deem Sënn kënne mir fir déi nächst Joren weider plangen. E waarme Merci dem Kiercherot, de Fraen an Mammen, der Veiner Musek, de Choralen, de Grands Clercs an alle Veräiner a Leit, déi bei der Duerchféierung gehollef hunn, fir datt dës schéin a wichteg Traditioun lieweg bleift.

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement