lb fr

Katechees

Nodeems et kee Reliounsunterrecht an der Schoul méi gëtt, bitt eis Par eng chrëschtlech Erzéihung un, fir datt eis Kanner am chrëschtleche Glawen opwuesse kënnen.

Dobei sinn 3 Zieler eis wichteg:

  • de gelieftene Glawen an der Famill
  • de gelieftene Glawen an derPar
  • eng Wëssens- a Glawensvermëttlung

D’Wuert „Katechees“ kënnt aus dem Griecheschen „katecheo“ a bedeit „ech ënneriichten“:

  • Katechees ass d’Entdecken an d’Verdéiwen vum chrëschtleche Glawen
  • Katechees ass eng vielfälteg a lieweg Glawenskommunikatioun
  • Katechees ass e Geschéihen vu Mënsch zu Mënsch mam Gespier fir Gott

Mir proposéieren gemeinsam katecheetesch Weeër mat de Kanner ze goen:

  • MINI-TREFF: fir d’Kanner vun 0-5 Joer mat den Elteren zesummen
  • CATE 1: fir d’Kanner ab 6 Joer, déi d’Kommioun nach net gemaach hunn
  • CATE-KO: fir d’Eischtkommiounskanner
  • CATE 2: fir d’Kanner, déi d’Kommioun scho gemaach hunn
  • CATE 3+4: fir d’Jugendlech ab 7e

Wéini a wou fannen dës CATE’en statt?

MINI-TREFF

all 1. Samschdeg am Mount zu Téinten

CATE 1+2

op 2 Plazen (+/- all 3 Wochen mat Ausnahm vun de Schoulvakanzen)

  • zu Äischen samschdes vun 9.30 – 11.00 Auer;
  • zu Biissen samschdes vun 16.00 – 17.30 Auer.
CATE 3

2mol pro Trimester zu Biissen
an der Reegel. samschdes vun 16.00 - 17.30 Auer

Umeldungsziedel

Fir weider Informatiounen an Umeldungen:

Mme Huguette Muller-Kirsch
email: huguette.muller pt.lu
Tel: 621 180 206

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement