• Centre Jean XXIII
• Facebook-Säit vun der Par
• Lëtzebuerger Massendénger
• LuxYouth
• Par Atertdall Sainte-Claire op Youtube
• yes2family – Préparation au mariage

NEWSLETTER – ABONNEMENT

° D’Pastoraléquipe verschéckt regelméissig Neiegkeeten aus der Par per Mail un all Interesséiert Leit. Wann Dir iech wëllt abonnéieren, meld iech w.e.gl. am Parbüro mat engem Message per Mail un atertdall@cathol.lu

° L’équipe pastorale envoie régulièrement des informations par voie de courriel avec des nouvelles concernant notre paroisse. Pour vous abonner, veuillez nous envoyer un message à atertdall@cathol.lu

Zesummen um Wee

Léif Leit,

Am Ufank vum neie Joer 2026, wëlle mer als Pastoralteam iech all e gudd an geseent neit Joer wënschen, fir Iech an Är Familljen. Mir hoffen, datt mer als Par mat eisem Pastoralrot, dem CGP (conseil de gestion paroissial), de Kirchefabriken an allen Aarbechtsgruppen gutt Bewertes kënnen weider féieren an nei Impulser kënnen ginn, an enger Kierch, déi amgang ass, sech ze änneren an ze entwéckelen. Mir sinn och frou datt de Seminarist Yves Peters, den sech op d’Priesterweih virbereed, bis de Juli nach weider an eiser Par matschafft.
Iech all, e grousse Merci, fir Är Präsenz an Ären Asaz 2025 a mir freeën eis, och am neie Joer 2026, op Äer Mathëllef zielen ze kënnen.

Treffen mat dem Pastoralrot vun der Par Rammerech Saint-Valentin
Den 13. Januar hat eise Pastoralrot e gemeinsamt Treffen mam Pastoralrot vun der Nopeschpar Rammerech Saint-Valentin.
Et ass eis dorëms gaangen, fir ze kucken, wéi eis zwou Paren kënnen zesummen-schaffen. An engem ganz liewegen an informativen Austausch hu mer festgestallt, datt mer eis géigensäiteg kënnen ënnerstëtzen a beräicheren, net fir eng eenzeg Par ze gin, mee fir aus der Verschiddenheet vun eisen zwou Paren besser kënnen léieren Kierch ze sinn a wéi eng nei Aufgaben op d’Paren duerkommen an enger Zäit, wou eis Gesellschaft sech ännert. 2026 wäerte mer den Austausch weider-féieren, a schon gemeinsam pastoral Propositiounen maachen.

Firmung 2026 zu Groussbus
Den 13. Februar 2026 kënnt de Bëschof an eis Par Atertdall Sainte-Claire fir déi Jugendlech ze firmen, déi sech dat lescht Joer mam Père Antoine Do virbereed hunn. D’Mass ass um 18.00 Auer zu Groussbus an der Kirch. All Jonker vun 15 Joer un kënnen sech fir d’Firmung 2027 aschreiwen (Info an dësem Parbréif, S.6).

Visite vum Kardinol
Een anere wichtige Moment ass d’Visite vum Kardinol Jean-Claude Hollerich an allen Dekanaten vum Land. An d’Dekanat Zentrum, zu dem eis Par Aterdall Sainte-Claire gehéiert, kënnt de Kardinol méindes, den 2. Mäerz 2026. De genaue Programm vun dëser Visite kréie mer spéider matgedeelt, mee Dir kënnt Iech elo schon den Datum notéieren, an Iech Gedanke maachen, wat mer dem Kardinol Konstruktives mat op de Wee kënne gin, fir d’Erneierung vun eiser Lëtzebuerger Kierch.

De Weltgebietsdag zu Ell
Dëst Joer gëtt den Weltgebietsdag vu den Fraen zu Lëtzebuerg hei bei eis an der Par zu Ell organiséiert. Hie steet dëst Joer ënnert dem Thema «Kommt, bringt eure Last» Organiséiert vun de Fraen aus Nigeria. Detailer fannt Dir op der Säit 13.

Glawen am Gespéich, eng nei Initiativ
Et gëtt ëmmer méi wichteg de Glawen an d’Gespréich ze brëngen. Mir wëllen dofir an der Par de Leit eng Geleeënheet ginn, sech ze begéinen fir iwwert de Glaawen, d’Relioun, d’Kierch, an d’Gesellschaft zesummen an d’Gespréich ze kommen. Wien interesséiert ass ze hëllefen esou e Grupp «Glawen am Gespréich» mat ze organiséieren, kann sech am Parbüro mellen. Och all aner Virschléi si wëllkomm.

Synodalitéit bleiwt e wichtegen Aspekt fir d’Kierch, wéi de Poopst Leo XIV. ët mat de Kardineel zu Roum beschwat huet. Esou wënschen och mir, dat mer an déi Richtung hinn versichen ze schaffen, fir d’Evangelium weider ze entdecken a besser verstin, wat et haut heescht, Chrëscht ze sinn.

Am Numm vum Pastoral-Team
P. Jean-Jacques Flammang scj
Curé-modérateur vun de Paren Atertdall Sainte-Claire a Rammerech Saint-Valentin

Léon XIV: « Le sentiment d’appartenance à l’Église, le plus important »

Le Souverain pontife invite à regarder au-delà des chiffres de participation: «Les heures consacrées à la catéchèse ne sont jamais perdues, même si les participants sont très peu nombreux».

Le Saint-Père relance un défi ecclésial:
«Le problème n’est pas les chiffres - qui, certes, donnent à réfléchir -, mais le manque de plus en plus évident de conscience de se sentir Église, c’est-à-dire membres vivants du Corps du Christ, tous dotés de dons et de rôles uniques, et non pas simples utilisateurs du sacré, des sacrements, peut-être par pure habitude».

Le Pape indique une voie: «En tant que chrétiens, nous avons toujours besoin de conversion. Et nous devons la rechercher ensemble». Et il rappelle que la véritable porte de la foi «est le Cœur du Christ, toujours grand ouvert». L’appel final de l’évêque de Rome s’enracine dans l’héritage de Paul VI: «Ce que l’on peut faire, c’est témoigner de la joie de l’Évangile du Christ, la joie de la renaissance et de la résurrection».
(extrait de vaticannews.va)