Aktuelle Parbréif

Le bulletin paroissial actuel

Parblat Oktober 2024

Fir opzemaachen, w.e.gl op d’Bild klicken.
Pour ouvrir, veuillez cliquer sur l’image.

Dat nächst Parblat geet vum 26/10 - 01/12/2024.
Bestellt w.e.g Är Massen bis spéitstens Donneschdes Mueres, de 18/10/24 ! Merci am Viraus.
Prochain bulletin paroissial du 26/10 - 01/12/2024
Pour vos intentions des messes, veuillez s.v.p vous adresser au secrétariat paroissial - au plus tard le jeudi matin, 18/10/24 ! Merci

Virwuert / Préface

Rentrée Pastorale 2024/25

Et ass erëm souwäit. No enger Zäit vun Erhuelung si mär prett fir eiser Aufgab nozekommen.

De 5. Oktober 2024 ass och eis éischt Familljemass um Fousbann virgesinn. Vun dem Moment u ginn och eis Katechesen erëm un. Da ginn eis Kierch an eis Versammelungsraim nees mat Liewen gefëllt. Da gi mär eis erëm all Méi, fir de Kanner an den Elteren de Jesus méi no ze bréngen. D’Elteren hu bis den 28. September 2024 Zäit, fir d’Kanner an der Déifferdenger Katechese unzemellen. Fir Froen, mellt Iech beim Romaine Müller oder Ilona Dury, mär sinn vum 16. September 2024 un an eisem Büro oder op eisem Handy ze erreechen.

Den Ufank vun eisem pastorale Joer mécht d’Familljenmass ënnert dem Thema “De Franziskus besser kenne léieren”. Heen ass de Patréiner vun eiser Par. 2017 hu mär eis zur Aufgab gemaach, sengem Beispill nozegoen an eis Aarbecht ënner säi Schutz ze stellen. Ech weess, datt dat eis net ëmmer geléngt, awer mär sollen et ëmmer erëm probéieren. Ech fannen et schued, datt ëmmer méi Mënschen beim Glawen kee Beistand fannen, an datt se der Kierch de Réck dréinen. Mäi Glawen huet mär a mengem Liewen schonns oft gehollef. Ech géif mär wënschen, datt och vill aner Mënschen déi Ausso kéinte maachen.

De Franziskus huet och seng Erfarunge misse maachen. Heen huet de Ruff vum Jesus an enger Zäit fonnt, wou et him besonnesch schlecht gaangen ass. Heen ass als Krichsgefaangenen an de Prisong komm. Do huet heen Zäit gehat, iwwer säi Liewen nozedenken. Do huet heen de Ruff vum Jesus héieren dee geheescht huet: “Bau meng Kierch erëm op !”. Dësem Ruff ass heen nogaangen an huet mat anere Männer d’Gemeinschaft vun de Franziskaner gegrënnt. Kuerz dono ass och vum Clara, enger Weggefährtin vum Franziskus, d’Gemeinschaft vun de Franziskanerinnen gegrënnt ginn. An engem keuschen an einfache Liewen hunn se sech fir d’Mënschen agesat.

Ech hoffen net, dass mär esou eng schlëmm Erfarung maache mussen fir de Glawen un de Jesus erëm ze fannen, well als gedeefte Leit si mär an d’Gemeinschaft vun de Chrëschten opgeholl ginn. Mär mussen eis kloer ginn, datt d’Sakramenter, déi mär gespent kritt hunn, eng Erausfuerderung un eis sinn. D’Feier vun engem Sakrament ass net just eng Geleeënheet, sech mat der Famill a mat Frënn ze gesinn, mee och eng Verpflichtung géintiwwer eise Matmënschen. D’Kierch soll eis net just een Service ginn, se soll och en Deel vun eisem Liewen ginn.

Ech géif mär wënschen, datt mär an eisem pastoralen Déngscht dëser Aufgab besser nokommen, an datt mär eis ënnereneen an dëser Aufgab besser ënnerstëtzen. Dat ass mäi Wonsch fir d’Joer 2024/25. Ech hoffen, datt vill Leit dëse Wonsch och hunn. Zesummen mat alle Memberen vun eiser Par a mam Segen vu Jesus solle mär eis op de Wee maachen fir dëser Aufgab nozekommen.

Ilona Dury, Katechetin vun der Par

Eis Parblieder vun de läschte Méint / Nos bulletins des mois précédents

zeréck op d’Haaptsäit

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement