• Action Catholique des Femmes du Luxembourg

  Site vun der Kathoulescher Fraenaktioun

• Evangelium und Kultur

  Site vum internationale Forschungsprojekt “Evangelium und Kultur”

• Glawen erliewen - découverte de la foi chrétienne

  Glawen (er)liewen
  Découverte et approfondissement de la foi chrétienne

• Kathoulesch Kierch vu Lëtzebuerg

  Site vun der Kathoulescher Kierch vu Lëtzebuerg

• Kathoulesch Männeraktioun

  Site vun der Kathoulescher Männeraktioun

• Lëtzebuerger Massendenger

  Site vun de Lëtzebuerger Massendenger

• LGS Mère Thérèse Housen-Houschent

  Site vun de Lëtzebuerger Guiden a Scouten Grupp Mère Thérèse Housen-Houschent

Festmass mam Leo Wagener an den Trinitarier zum 775. Jubiläum vun der Trinitarierkierch an zum 50. Anniversaire vun de Veiner Geschichtsfrënn

Fir dësen double ronne Jubiläum ze feieren, hate mir d’Trinitarier fir de Weekend vum 4. a 5. November op Veianen invitéiert. 8 Memberen vun der Famill vun den Trinitarier haten eis Invitatioun ugeholl: d’Pateren Roger Matton, Provinziol vu Canada, Frankräich a Saudiarabien, Loic Huyghues Despointes, de Minister vun hirem Haus zu Paräis, Odon Rakotoarimanana, Kaploun an der Par Saint Leu/Saint Gilles zu Paräis, an Thierry Knecht, de Minister vun hirem Haus zu Faucon, d’Bridder Georges Ramalanjona vu Cerfroid a Vincent Rakotoarivelo vu Faucon, d’Sr. Agnès Razaiarinelina, d’Oberin vun den Trinitarierinnen zu Cerfroid an de Laien Emmanuel Boutang vu Paréis. Si hu schonn samsdes mëttes um schéine Concert vun der Kammerata an der Trinitarierkierch deelgeholl.
A senger Priedegt an der Festmass um 10.00 Auer an der Trinitarierkierch, un der och den Generalvikar Patrick Muller deelgeholl huet, ass de Weibëschof Leo Wagener vum Dagesevangelium ausgaangen, fir d’Wichtegkeet vun der Deemut an der Déngschtbereetschaft anzegoen an hien huet d’Verdéngschter vun den Trinitarier an der Suerg fir déi Aarm, déi Krank an déi Gefaangen ervirgehuewen.
No der Festmass, déi féierlech vun der Chorale Trinitaire musikalesch gestalt ginn ass, ass de President vun de Veiner Geschichtsfrënn Jean-Paul Hoffmann kuerz op déi 50 Joer vun hirem Veräin agaangen.
Duerno huet d’Madame Gaby Heger, Member vun der Kierchefabrik an de Geschichtsfrënn d’Austellung iwwert d’Veiner Goldschmattskonscht virgestalt.
Am Numm vun den Trinitarier huet de Pater Thierry Knecht fir d’Invitatioun op d’Feier Merci gesot an huet d’Bedeitung vu Veianen als éischt bekannten Trinitarierpar ervirgestrach.
Beim Eierewäin op der Gemeng huet de Buergermeeschter Francy Weyrich d’Eieregäscht begréisst an all deene Merci gesot, déi bei der Organisatioun an der Duerchféierung vun dëse Feierlechkeete gehollef hunn.

Impressioune vun der Ausstellung iwwert d’Veianer Goldschmattskonscht