An der Zäit ronderëm Chrëschtdag si mir am Allgemenge jo och ee Stéck méi op fir d’Gespréich mat Gott. Awer wéi eis u Gott wenden,wat him soen,wat hie froen? Bistum Regensburg huet ee schéint Buch mat 255 Gebieder zesummegestallt a publizéiert. Hei ginn et Gebieder zu ganz verschiddenen Uläss an Themen. D’Kierchejoer gëtt berécksiichtegt genausou wéi déi perséinlech Liewenssituatiounen. Mir all hunn dacks Grond fir frou ze sinn. Do kann ee Gott luewen an him och Merci soen. Eng aner Kéier ass een awer och niddergedréckt, traureg oder krank. An eben och da kann een seng Suergen a Gefiller viru Gott bréngen. An dësem Buch fënnt ee wuel zu allem ëmmer mol een Text, deen een uschwätzt an deen een dann och weider féiert, fir vläicht selwer ee ganz perséinlecht Gebiet ze formuléieren.
Vun der Säit 207 bis 216 bitt d’Buch ee „Leitfaden für das persönliche Beten“. Haltungen an Übunge leeden un, wéi sou ee Gebiet ka sinn. Op de leschte Säiten (228-230) kann een an engem Theme-Regëster zimmlech séier ee passend Gebiet sichen. Ech fannen, dass een sech dëst gutt Buch duerchaus kann zouleeën an dann och fir dat eegent Gebiet gebrauchen. De Präis ass jo och äusserst bescheiden, d’Opmaachung awer ganz wäertvoll.
Hei nëmmen zwee Beispiller:
|
Gebiet Nr. 83, „Kindersegung“:
„Gott segne alle Kinder, dass ihr Weg in die Zukunft offen sei. Jesus segne alle Kinder, dass sie viele Herbergen seiner Liebe finden. Der Heilige Geist segne alle Kinder, dass sie ihre Schritte mutig und voller Zuversicht gehen.“ (S. 73)
Gebiet Nr. 192, „Gebet von ganz unten“:
„Gott, bewahre mich vor dem naiven Glauben, es müsste im Leben alles glattgehen. Schenke mir die nüchterne Erkenntnis, dass Schwierigkeiten, Niederlagen, Misserfolge, Rückschläge eine selbstverständliche Zugabe zum Leben sind, durch die wir wachsen und reifen.“ (S. 154) |
Carlo Morbach
Lichterfüllt Gebete in allen Lebenslagen Hrsg. vom Bischöflichen Ordinariat Regensburg, Verlag Friedrich Pustet Regensburg 2023, 232 Seiten, 14,95 €.
Links:
