 |
Ich will dich beschenken! - Gott.Ee literareschen Adventskalenner
Effektiv si munch ganz léif an nodenklech Episoden erzielt. Si reegen un, fir selwer doriwwer an da weider no ze denken. Fir all Dag ass och en Impuls am Buch, wat een an dëser Adventszäit dann emol kéint maachen, wéi een sech kéint engagéieren, wéi een déi chrëschtlech Botschaft kéint konkret realiséieren. Dat sinn ni ganz grouss Saachen, déi do ugereegt ginn. Mä et si Saachen, déi mir alleguer duerchaus kënne maachen. Firwat net emol engem Mënsch, deem ech meeschtens aus de Féiss ginn, dach eng Kéier e puer frëndlech Wierder soen, oder engem, deem ech am Fong ni eppes géif ginn, fir Niklosdag oder och fir Chrëschtdag eng kleng Iwwerraschung maachen? Et sinn einfach a bescheiden Zeechen, déi mir an dëser besënnlecher Zäit kënne setzen. Si iwwerfuerderen eis net. Mä si weisen awer eis echt chrëschtlech Iwwerzeegung. Heiansdo ass et wuel méi bedeitend, dass mir eis chrëschtlech Botschaft vu Fridden a Léift duerch esou Zeechen iwwermëttelen, wéi duerch groussaarteg Feieren an dichteg Priedegten. Dëst klengt Buch huet mech op alle Fall ugereegt fir selwer mäin Asaz ze iwwerdenken an och mol dëst oder dat, wat do als Ureegung drasteet, ze realiséieren. Hoffentlech bleift et net beim einfachen gudde Virsaz. Carlo Morbach
Links:
|
Äerzbistum Lëtzebuerg . Archevêché de Luxembourg
© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement