Services
 

Ekipp

Den Här Äerzbëschof Jean-Claude Hollerich SJ huet vum 01.09.2013 un, d’Madame Tanja Konsbrück als Direktesch an den Här Jean-Pierre Reiners als Nationalaumônier vun de Lëtzebuerger Massendénger ernannt.

Den 20. September 2018 huet den Här Äerzbëschof eng Ekipp mat Dekanatsvertrieder fir d’Massendénger an eiser Äerzdiözes agesat.

D’Ekipp rondrëm dem Tanja Konsbrück (Direktesch) an dem abbé Jean-Pierre Reiners (Nationalaumônier) besteet vum 20.09.2018 un aus folgende Memberen:

Norden: Hélène Neissen-Schneider
Osten: Luc Zimmer
Stad: Jakob Zeilinger
Süden: abbé Ricardo Monteiro
Zentrum: abbé Tristan Häcker

Am Gaart hanner dem Bëschofshaus gouf deen Owend vun eeleren an den neie Memberen zesumme mam Här Äerzbëschof ee Ginkgo-Bam gesat. Iwwer 30 Joer goufe vill gutt a staark “Wuerzelen” fir d’Lëtzebuerger Massendénger gesat, ee Bam konnt wuessen a soll laang a vill Blieder droen an nach vill wuessen.

De Büro ass regleméisseg wärend der Schoulzäit vum Tanja Konsbrück besat. Wëllt Dir eng aner Kéier laanscht kommen, da mellt Iech via Mail oder Telefon um 44 743 243 fir ee Rendez-Vous.

 
Service Kommunikatioun a Press - Äerzbistum Lëtzebuerg - Dateschutz - Impressum - © Verschidde Rechter reservéiert