Ekipp

Den Här Äerzbëschof Jean-Claude Hollerich SJ huet vum 01.09.2013 un, d’Madame Tanja Konsbrück als Direktesch an den Här Jean-Pierre Reiners als Nationalaumônier vun de Lëtzebuerger Massendénger ernannt.

Den 20. September 2018 huet den Här Äerzbëschof eng Ekipp mat Dekanatsvertrieder fir d’Massendénger an eiser Äerzdiözes agesat. Am Gaart hanner dem Bëschofshaus gouf deen Owend vun eeleren an den neie Memberen zesumme mam Här Äerzbëschof ee Ginkgo-Bam gesat. Iwwer 30 Joer goufe vill gutt a staark “Wuerzelen” fir d’Lëtzebuerger Massendénger gesat, ee Bam konnt wuessen a soll laang a vill Blieder droen an nach vill wuessen.

D’Équipe Lëtzebuerger Massendénger ronderëm d’Tanja Konsbrück (Direktesch) an dem abbé Jean-Pierre Reiners (Nationalaumônier) besteet aus folgende Memberen, déi fir een Dekanat resp. fir eis auslännesch Spoochecommunautéite vum Här Äerzbëschof genannt goufen:
Dekanat Norden: Hélène Neissen-Schneider
Dekanat Osten: Luc Zimmer
Dekanat Lëtzebuerg: abbé Yves Olinger
Süd-Dekanater: abbé Ricardo Monteiro
Dekanat Zentrum: abbé Tristan Häcker
Communautéiten: Antoine Ferreira

Den “Dekanatsresponsabelen” vun der Ekipp Lëtzebuerger Massendénger:

* ass a sengem Dekanat fir d’Massendénger an hir Responsabel zoustänneg.
* stellt de Lien vun der “Ekipp” zu de Massendénger-Responsabelen a senge Dekanat hir an ee soll fir direkt Froe vun de Responsabelen zoustänneg si resp. de Lien zur Zentral hierstellen.
* kann / soll zu all Moment d’Massendéngergruppen an de Pare vu sengem Dekanat besiche goe kënnen.
* soll d’Ekipp bei Massendénger-Aktivitéiten a sengem Dekanat vertrieden (natierlech nëmmen, wa mir déi Aktivitéiten an der Zentral matgedeelt kréien).

De Büro ass wärend der Schoulzäit reegelméisseg vum Tanja Konsbrück besat (Dir fannt deen aktuelle Permanence-plang ëmmer op eiser Homepage). Wëllt Dir eng aner Kéier laanscht kommen, da mellt Iech via Mail (massendenger cathol.lu) oder Telefon um 44 743 243 fir ee Rendezvous.

 
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement