NEWSLETTER

Liens . Links

Homepage >

NEWSLETTER – ABONNEMENT

° D’Pastoraléquipe verschéckt regelméissig Neiegkeeten aus der Par per Mail un all Interesséiert Leit. Wann Dir iech wëllt abonnéieren, meld iech w.e.gl. am Parbüro mat engem Message per Mail un atertdall cathol.lu

° L’équipe pastorale envoie régulièrement des informations par voie de courriel avec des nouvelles concernant notre paroisse. Pour vous abonner, veuillez nous envoyer un message à atertdall cathol.lu

Léif Leit,

Eis OKTAVMASS ass mëttwochs, den 1. Mee 2024. Mir gin an der Prëssioun op der Place Clairefontaine fort um 17.45 Auer. D’Pilgermass ass um 18.00 Auer an der Kathedral.

Mir als Par fueren zesummen mam PILGERBUS an d’Oktav.
Treffpunkten sinn:
1) 15.45 Auer Réiden bei der Kierch
2) 16.00 Auer Bettborn - Busstatioun op der Haaptstrooss (> Insel an der Strooss)
3) 16.15 Auer Schweebecherbréck - Busstatioun (Park & Ride)
Mir sinn fir 21.00 Auer erem zréck. Départ ab Kathedral um 20.00 Auer.
Den Onkäschtebäitrag ass 10 € / Persoun. (gin am Bus bezuelt)
Meld iech w.e.gl. am Parbüro: Tel: 23 62 10 53 bis de 25. Abréil.

Chers paroissiens,

La messe des pèlerins pour notre paroisse sera célébrée mercredi, 1 mai 2024. Nous irons en procession de la Place Clairefontaine à 17.45h vers la cathédrale. La messe sera célébrée à 18.00h à la cathédrale.

Nous organisons un BUS DE PÈLERINAGE.
Itinéraire du bus:
1. 15.45h Redange près de l’église
2. 16.00h Bettborn - station bus - rue principale (près de l’ îlot dans la route)
3. 16.15h Pont de Schwebach - station bus (Park & Ride)
Nous serons de retour vers 21 heures. Les frais s’élèvent à 10€ / personne.
Veuillez vous inscrire au bureau paroissial au tél: 23 62 10 53 avant le 25 avril.

Info un eis MASSENDINGER
Léif Massendinger, mir invitéieren iech all häerzlichst fir den 1. Mee 2024 um 17.45 Auer un der Prëssioun & um 18.00 Auer un der OKTAVMASS an der Kathedral deelzehuelen. Bréngt äer Tunique mat w.e.gl.

Info à nos SERVANTS DE MESSE / ENFANTS DE CHŒUR
Chers servants de messe, nous vous invitons cordialement à participer à la
Procession à 17.45h et à 18.00h à la MESSE DE L’OCTAVE le 1 mai 2024 à la cathédrale à Luxembourg. Amenez vos tuniques s.v.pl.

Pilger vun der Hoffnung

D’Joer 2024: Schluss vun der Beschofssynod, Ufank vum Hellege Joer 2025 a vum 400. Jubiläum vun der Lëtzebuerger Muttergottesoktav.

Dat neit Joer 2024 steet kierchlech gesi ganz am Zeeche vun der Weltbëschofssynode, déi am Oktober 2024 nach eng Kéier zu Roum zesummekënnt fir iwwert d’Synodalitéit an der Kierch ze beroden an ze decidéieren.

An deem Zesummenhang hunn d’Pastoralréit aus dem Dekanat Zentrum den 20. Februar zu Brouch en Treffe mat dem Diozesanen Pastoralrot iwwert d’Synodenaarbecht, déi mer dann och an eiser Par Aterdall Sainte-Claire versiche weiderzeféieren.
Um Schluss vun der Weltbëschofssynode rifft de Poopst Franziskus, den 8. Dezember 2024, en Hëllegt Joer 2025 aus, ënnert dem Motto: Pilger vun der Hoffnung an hei zu Lëtzebuerg fänken dann och Feierlechkeete vum 400. Jubiläum vun eiser Muttergottesoktav un, déi bis de 25. Mee 2025, dem Schlussoktavsonndeg daueren.

A sengem Bëschofswuert fir d’Jubiläum huet eisen Här Äerzbëschof Jean-Claude Kardinol Hollerich Folgendes geschriwwen: « D’Jubiläum 2024-2025 ass eng gutt Geleeënheet, fir mat Dankbarkeet op d’Oktav, d’Geschenk vun der Muttergottesveréierung zeréckzekucken. Mir wëllen dee laange Wee feieren, dee mir schonns gaange sinn, an eis virbereeden, fir als Kierch vu Lëtzebuerg mat de Mënsche vun haut a fir d’Mënsche vun haut dëse Wee virunzegoen (...) Zesummen ënnerwee sinn – dat hu mir an de vergaangene Méint versicht, nach méi bewosst an der Kierch ze maachen: déi synodal Demarche, déi mir a Verbonnenheet mat der Weltkierch an de Mënschen op der ganzer Welt als Virbereedung op d’Synod vun der Synodalitéit am Oktober op diözesanem a kontinentalem Niveau gaange sinn; d’Erliefnis selwer vun der Synod zu Roum; déi weider Etappen, déi elo ze goe sinn als Virbereedung op déi zweet Sessioun vun der Synod;... Dat Ganzt huet méi däitlech gemaach, wat mir als Kierch wëlle sinn: Gemeinschaft vu Fraen a Männer, Laien a Geeschtlech, Jonker an Alen, ee Vollek „aus allen Natiounen, Stämm, Vëlker a Sproochen“ (cf. Offb 7,9; cf. Apg 2,9-11), ënnerwee mat Jesus Christus, ënnerwee zu Jesus Christus. »

An eisem Parbréif, deen an alle Kierchen an der Par ausläit, fënnt een Informatiounen zu de Gottesdëngschter an den Treffe vun deene verschiddenen Gruppen an Aarbechtsequipen. Jiddereen, dee wëllt matmaachen ass wëllkomm a kann un den Aktivitéiten deelhuelen, oder sech am Parbüro informéieren.

MERCI

- 2000,- € ass den Erléis vum Verkaf vun Adventskränzer an Arrangementer vun de FRAEN A MAMMEN-ACFL PAR ATERTDALL fir de „Waasserprojet Madagascar“ vum Frère Joseph SCJ.
1300,- € waren d’Spenden an den Affer vun der Aféierungsmass vum 19.11. fir de „Waasserprojet Madagascar“ erakomm.
655,- € ass den Erléis vum Verkaf vun de Kichelcher vun de KOMMIOUNSKANNER fir d’Wonschkutsch asbl.
800,- € vun de MASSENDINGER vu GROUSSBUS fir d’Wonschkutsch asbl.
350,- € si gespendt gin fir den Transport fir d‘Adventsaktioun „Liewensmëttelpäck-Aktioun fir Chrëschtdag“ an 27 Këschten Liewens-mëttel, 27 Këschten mat Kleeder an Decken & 11 Këschten mat Spillsaachen.
1137,- € ass den Erléis vum Friddensliicht fir een humanitären Projet vun de LGS – Lëtzebuerger Guiden a Scouten
TIMBEREN: am Laf vum Joer 2023 hu mir 16 Kilo Timberen gesammelt. Dëss Timberen gin weidergeleed un MISSIO.

Een häerzleche MERCI fir äer Generositéit an och e grousse MERCI un d’Kanner an all déi Leit déi dëss Aktiounen tatkräftig ënnerstëtzt hun.

ACFL - Par ATERTDALL SAINTE-CLAIRE

Den 26. Januar 2024 war zu Réiden no enger feierlecher Mass d’Generalversammlung vun der ACFL - Par Atertdall Sainte-Claire.

De Comité vum fréieren Dekanat Osper huet sech nei gegrënnt ënnert dem Numm « ACFL - Par Atertdall Sainte-Claire ».

Dëse Comité ersetzt net déi verschidden lokal ACFL-Sektiounen aus de Gemengen vun der Par, mee organiséiert Aktivitéiten fir d’ganz Par Atertdall Sainte-Claire.

Präsidentin ass Mme Marie Claire Rasqué; Sekretärin: Mme Diane Flammang
Trésorière: Mme Sonja Mores
Memberen: Mme Mariette Hemmer-Schmit, Mme Christiane Philippe-Schmit a Mme Joke de Kroon.
Aktivitéiten am Joer 2023:

Ausflug op Mousel, mat enger Fahrt mat der Marie-Astrid an e Besuch vum Europa-Museum vu Schengen. Kaffisnomëtteger fir déi eeler Leit, eng Informatiouns-konferenz iwwert Diabetis, e Spurewee am «Mois Sainte Claire» iwwert den hl. Franziskus an d’hl Klara; eng Déiereseenung um Fest vum Hellege Franziskus...
Fraen a Mammen hunn dann och de Wësch fir de 15. August gebonnen an Advents-kränz a Chrëschtdagsdeko gebastelt. Den Erléis dovun, stolz 3222 Euros, hunn si fir de Waasserprojekt a Madagaskar vum Frère Joseph vu Clairefontaine gespendt.

Fir dësen viirbildlechen Asaz huet de Pater Flammang, curé-modérateur vun der Par Atertdall Sainte-Claire, ganz häerzleche Merci gesoot, an Fraen a Mammen och félizitéiert, fir alles, wat si an der Par fir d’Leit maachen. Wou op anere Plazen Veräiner verschwannen kunnt an der Par Atertdall Sainte-Claire nom Covid e neien dynameschen ACFL-Comité entstoen, mat Hëllef vun der Mme Joke de Kroon, déi Pastoralassistentin an och Vize-Präsidentin vun der Landes-ACFL ass.

Fir 2024 sinn schon eng ganz Rei Aktivitéiten geplangt, dorënner een Ausflug op Maria Laach (D) & eng Pilgerfahrt op Avioth (F).

D’Aktivitéiten gin an eisem Parbréif matgedeelt.

E grousse Merci an vill Erfolleg der « ACFL - Par Atertdall Sainte-Claire » an och de lokalen Fraen a Mammen Sektiounen Réiden an Ell.

Permalink: https://web.cathol.lu/article11457