Andeem dir dësen Internetsite benotzt, sidd Dir mat Cookien d'accord, déi äert Surfe verbesseren an eng Statistik iwwert d'Kucke vun de Säiten erstellen. Méi Informatioun.
Jesus Christus sot: „Alles, iwwer wat sech zwee vun iech eens sinn, dat gëtt iech vu mengem Papp am Himmel gin. Well wou zwee oder dräi sech a mengem Numm versammelen, do sinn ech och ënnert hinnen.“ Mat Vertrauen op dës Wierder bieden mir fir d’Bedierfnesser vun eisen Deeg:
Virun dir, Här, brénge mir d’Nout vun de Leit an Nepal, déi duerch eng verheerend Iwwerschwemmung blesséiert oder souguer gestuerwe sin - mir bieden fir déi onzähleg Leit, déi alles verluer hunn, wat hinnen um Häerz loung. A mir bieden fir d’Rettungsaarbechter, déi hiert eegent Liewe bei hiren Efforten a Gefor bréngen... Här, stéi hinne bäi. Här, stéi hinne bäi.
Virun dir brénge mir d’Leit an de Krisenzonen vun eiser Äerd: Hir Angscht - hir Verzweiflung - hir Tréinen: Mir bieden fir d’Leit an der Ukrain, deenen hiert Liewe all Dag duerch Rakéiten an Dronen a Gefor bruecht gëtt;
d’Palästinenser am Westjordanland, déi ëmmer erëm Gewalt vun jiddesche Siidler ausgesat sinn; déi a verantwortungsvolle Positiounen am Iran an an den USA, déi et net fäerdeg bréngen, op enaaner zouzegoen an en dauerhafte Fridden ze schafen... Här, stéi hinne bäi. Här, stéi hinne bäi.
Virun dir brénge mir d’Leit am Kongo, déi mam Ebola-Virus infizéiert sinn; mir bieden fir all d’Fraen a Männer am medezineschen a Fleegeberuff, déi déi Krank an Eeler begleeden a versuergen... Här, stéi hinne bäi. Här, stéi hinne bäi.
Virun dir brénge mir d’Wieler a Sachsen-Anhalt, déi d’Zesummesetzung vun engem neie Landesparlament bestëmmen an domat d’Politik an Däitschland an Europa beaflossen – mir bieden fir déi Onzefridden, déi
Skeptesch an déi Besuergt. Gläichzäiteg bieden mir fir all déi, déi sech fir Demokratie a Fräiheet asetzen. Här, stéi hinne bäi. Här, stéi hinne bäi.
Virun dir brénge mir déi vill Leit, déi duerch Sabotageaktiounen a sougenannte "Hybridkrich" onroueg sinn. Mir bieden fir all déi, déi politesch Verantwortung fir eist Land iwwerholl hunn... Här, stéi hinne bäi. Här, stéi hinne bäi.
Den Apostel Paulus fuerdert eis op, eis ëmmer géigesäiteg gär ze hunn. Mir wëllen déng Barmhäerzegkeet a Frëndlechkeet deelen. Mir soen dir Merci, datts du eis dobäi ënnerstëtz - haut an all Dag vun eisem Liewen.
Amen.
D’Fürbitten als PDF-Download: texte au format PDF
Fürbitten 23.Sonndeg am Jkr A
all Fürbittentexter amArchiv /669 tous les textes à l’archive
PDF 282.8 kio, 5. September 2026
