Andeem dir dësen Internetsite benotzt, sidd Dir mat Cookien d'accord, déi äert Surfe verbesseren an eng Statistik iwwert d'Kucke vun de Säiten erstellen. Méi Informatioun.
De Jesus rifft eis dozou op, waakreg ze sinn. Am Alldag verstänneg a virsiichteg ze handelen, ass dacks schwéier. Mir bréngen d’Nout vun eise Matmënschen viru Gott, eise Schëpfer, a bieden hien – am Numm vu Jesus – ëm Hëllef fir dës Welt:
Mir bieden fir jonk Leit, déi op Ongerechtegkeet an e Manktem un Unerkennung opmierksam maachen an op ville Plaze friddlech demonstréieren; a fir all déi, déi hinnen nolauschteren an zesummeschaffen, fir Léisungen ze fannen. Härgott, héier eis.
Mir bieden fir déi, déi an der Politik an an der Wirtschaft Verantwortung droen – fir all déi, déi hir Entscheedungen um Wuel vun alle Mënschen ausriichten an dobäi och d’Auswierkungen op d’Gesellschaft an d’Ëmwelt am Bléck behalen. A fir all déi, déi op d’Verännerungen an eiser Welt mat Wäisheet anstatt mat Roserei reagéieren. Härgott, héier eis.
Mir bieden fir déi, déi sech Suerge maachen iwwer Gefore fir de Loftverkéier oder iwwer Hacker-Ugrëffer op wichteg Infrastrukturen; a fir all déi, déi d’Verantwortung dofir droen, fir Kloerheet ze suergen an zouverlässeg ze berichten. Härgott, héier eis.
Mir gedenken de Mënsche jiddesche Glawens, deenen hir Gebietshaiser, Geschäfter an Doheem viru bal 90 Joer a ganz Däitschland zerstéiert an niedergebrannt goufen. Mir bieden haut fir all déi, déi an der Angscht virun Ausgrenzung, Haass a Gewalt liewe mussen – a fir all déi, déi d’Erënnerung un d’Affer lieweg halen. Härgott, héier eis.
Mir bieden fir d’Mënschen an de Krichsgebidder op der Welt – an der Ukrain, am Noen Osten an am Sudan –, déi sech no Fridden a Sécherheet seenen. A fir all déi, déi wärend der Ökumenescher Friddensdekad hir Stëmm géint Zerstéierung an Doud erhéijen an d’Hoffnung op Fridden lieweg halen. Härgott, héier eis.
Mir bieden fir déi Verstuerwen an déi, déi ënnert engem Verloscht leiden; fir all déi, déi Angscht virum Doud hunn an no Betreiung a Begleedung sichen. Härgott, héier eis.
Gudde Gott, mir erkennen: Elo ass d’Zäit, elo ass d’Stonn, wou ech geruff ginn. Mir soen dir Merci a luewen déch fir d’Kraaft, déi’s du eis schenks – an dësen Deeg an an déng Éiwegkeet eran. Amen.
D’Fürbitten als PDF-Download: texte au format PDF
Fürbitten:32. Sonndeg am Joreskrees A
all Fürbittentexter amArchiv /669 tous les textes à l’archive
