„Das Christentum ist die unbekannteste Religion der westlichen Welt. Das liegt nicht an einem Mangel an Informationen, sondern im Gegenteil an einer Überfülle an Informationen. Allerdings haben diese Informationen gewöhnlich eine merkwürdige Eigenart: Sie sind grotesk falsch.“ (Manfred Lütz, Der Skandal der Skandale. Die geheime Geschichte des Christentum, Herder Freiburg 2018, S. 8.)
Sou schreiwt dee bekannten Auteur Manfred Lütz an sengem neiste Buch iwert d’Geschicht vum Chrëschtentum. Vill falsch Meenungen a Behaaptungen prägen d’Bild vun de chrëschtlechen Kierchen an eiser Zäit. Wat awer ass wouer?
Op der Basis vun engem grouss ugeluechten Geschichtswierk vum Arnold Angenendt (Toleranz und Gewalt. Das Christentum zwischen Bibel und Schwert) geet de Lütz deenen ënnerschiddlechen Skandaler aus der Geschicht vum Chrëschtentum no. Et ass ee Buch, dat schonungslos opklärt a Saachen erem riicht reckelt. Dëst Buch mist eigentlech eng Pflichtlektür vun all engagéierten Chrëscht sinn. Et léiert eis mat der eegener Geschicht éierlech an och richteg emzegoën. Et kann eis och hëllefen Viruerteeler ze widderleën an echt Skandaler als dat unzegesinn, wat si wierklech sinn. Et ass onbedengt ze liesen: Manfred Lütz, Der Skandal der Skandale. Die geheime Geschichte des Christentum, Herder Freiburg 2018, 22,00 €.
Carlo Morbach, Paschtouer
